Основи на Google AdWords текстуални реклами [пример]

Од Катерина Стојановска - чет јул 14, 9:27 am

• 2 коментари
• 

АвторКатерина Стојановска

• Постови на авторот
• Video:[фор дамис] Водич за креирање на Android апликација за Wordress вебсајт
• Twitter: Најдобрата бизнис идеа!?
• CharityWater.org – помогни ми да ја остварам мојата роденденска желба

• Tweet
• Pin It

• Tweet
• Pin It

Решив да почнам малку со практично прикажување на примената на Google Adwords од страна на нашите Македонски компании. Ако некоја компанија се пронајде, сфатете добронамерно и бесплатно отварање очи. (сликите се заматени, бидејќи не сакам да ги обесхрабрувам компаниите што веќе почнале со Google AdWords.)

Вовед во примерот: Google AdWords текстуалните реклами; таргетиран збор iPhone; таргетирана локација Македонија;  брендинг, а не продукт кампања; конфузна влезна веб страна без можност за конверзија.

• Правило #1 – Целта на кампањата и таргет групата се основа! – За секоја Google AdWords кампања мора уште на почеток да одлучите која е вашата цел и таргет група. Наједноставно е да ја мапирате патеката што води до вашиот вебсајт – од зборот што го внесуваат таргетираните корисници при пребарување во  Google,  до крајниот ефект што сакаат да го постигнете кога ќе кликнат на реклама и пристигнат на вашиот вебсајт. (конверзија).  За примерот со iPhone, целта може да ви биде промоција, поволни цени, гаранција за iPhone. Најважно е да креирате тематски реклами за различни тематски групи (AdGroups), iPhone е дел од вашето портфолио, а не вашата фирма, што значи дека ќе мора да креирате посебни реклами, оптимизирани за iPhone. Во овој пример,  очигледно дека  компанијата со погрешна реклама таргетира специфичен производ. Еве неколку прашања за да ви помогнат во одлуката: Што сакате да постигнете со поставување на реклама? Дали имате практична офлајн кампања што сакате да ја реализирате и онлајн?  Кој треба да ви ја види рекламата? Што треба да направат корисниците кога ќе пристигнат на вашиот вебсајт ? и сл.

• Правило #2 – Комуницирање на придобивките со текстуална реклама
  Правилата за ефективна текстуална реклама, вклучуваат: Едноставен и корисен текст; таргетираниот збор или фраза; причината зошто вашиот производ или понуда е подобра од конкурентите или зошто корисниците треба да кликнат на рекламата – 20% попуст, 2 години гаранција и сл (call to action) 

  Во овој пример нема call to action;  насловот е името на компанијата;  зборот iphone не е вклучен во рекламата; вкупниот простор од наслов и текст (95 карактери) не е доволно искористен. Среќа  што воопшто се појавува оваа реклама, со оглед на тоа што верувам дека Quality Score-от е некаде околу 3, но очигледно и за жал нема конкуренција што го таргетира овој збор.

• Правило #3 – Landing page – или страната на која ќе пристигнат корисниците по клик на рекламата.
  За да постигнете висок QS и нормално за да на крај успеете во конвертирање на посетителите, вашата landing страна е битен елемент кој не смеете да го запоставите. Ако таргетирате iPhone, линкот мора да стигне до iPhone страна на која корисниците ќе очекуваат да го видат тоа што е напишано во рекламата во AdWords. Во овој пример, landing страната е конфузна со повеќе брендови и го нема iPhone-от што го барав. За да ја конструирате страната не мора да создадете кој знае каков дизајн, само размислете на следново: Како ќе ги конвертирате корисниците? Каде треба да кликнат? Што треба да направаат за да дојдам до iPhone?

Заклучок– Google AdWords не е техничко решение што го знаат и треба да го знаат само гикови или информатичари. Се работи за стратешко маркетинг познавање, што вие како компанија би требало да почнете да го имлементирате. Доколку немате конкретна кампања и вашата линк страна не е врзана тематски со рекламата и е без опција за зачленување, купување или јасна акција, тогаш резултатите од вашиот AdWords ќе бидат без очекуваниот ефект.  Овие основи мора брзо да се совладаат, бидејќи доаѓа интеграцијата со Google+, и верувајте ми ќе сакате да се рекламирате на оваа социјална мрежа.