Стави во круг на Google +
Проект менаџмент апликации Do.com v.s Asana.com
Од Катерина Стојановска - пет ное 11, 10:33 am
Do.com влезе во последната фаза на тестирање и еве ги нашите иницијални впечатоци и споредбата со Asana.com.
Aјде прво да кажеме дека Do.com е проектот на Salesforce.com, компанијата која според мене е најреволуционерна во социјализирање на компаниите, преку развој на апликации за автоматизирање на секојдневните работни активности.
Во рамките на нивната иницијатива и платформа – Social Enterprise е креиран сервис Do.com – веб софтвер за менаџирање на проекти и тековни задачи кој всушност е менаџиран од 14 вработени во Salesforcе со цел промена на начинот на менаџирање на работни задачи преку веб апликација.
Со наши зборови, оваа алатка ќе ви помогне да креирате проект во кој сакате да вклучите други луѓе, да креирате таскови – задачи во рамките на проектот, да поставите одговорни лица за проектот итн.
Ок, ова е малку застарен модел, но очигледно е сеуште атрактивен со оглед на фактот дека до сега ниту една компанија не успеа да конфигурира решение кое најлесно ќе помогне во организирање на тимските задачи во компаниите.
Мојот тим има тестирано и применето преку 10 вакви апликации, за да на крај се одлучиме за Asana.com, сервис креиран од страна на поранешни вработени во Facebook.
По иницијалниот тест што го направивме на Do.com, искрено не видов некои разлики или кој знае какви придобивки во некое си социјално вмрежување за побрзо решавање на задачи. Очекував дека како Salesforce проект ќе добиеме можност да користиме алатка што реално ќе го надмине веќе виденото, или барем функционалностите на Asana.com. Моментално интерфејсот и логиката на овие 2 сервиси е скоро ист. хмм .. интересна конкуренција.
Замислената предност што Salesforce е можеби во насока на користење на Do.com алатката преку таблет или телефон со оглед на компатибилноста за различни прелистувачи и веќе постоечката iPhone апликација.
А да, заборавив да споменам дека Salesforce во џеб го има social.com…
Сега за сега ние остануваме на Asana.com:
Како вие ги организирате вашите работни задачи и која алатка или софтвер ја користите?! Ајде споделете некој линк или искуство?!
