Стави во круг на Google +
Oprah станува главен “гик” за веб комуникација
Од Катерина Стојановска - сре ное 16, 10:16 am
По завршувањето на познатото Oprah шоу, госпоѓата Winfrey сериозно се внесе во користење на социјалните медиуми како стратегија за нејзино силно веб присуство, со цел следење (креирање) на новитетите и начините на кои публиката конзумира информации.
Нормално, пред да навлезе во овој нов начин на интеракција со својата публика, направи собиранка со нејзината другарка од Facebook, Sheryl Sandberg и уште неколку другарчиња како Dick Costolo (СЕО-то на Twitter,) и Jeff Weiner (СЕО-то на LinkedIn) за да и помогнат во креирање на стратегијата на нејзиното веб присуство.
Тригерот за ваков профи влез во социјално вмрежување, е падот на посетеност на нејзиниот вебсајт – од 5 на 2.4 милиони посетители на месечно ниво .
Резултатите од помошта што Oprah си ја доби од своите другарчиња се следниве:
- Oprah.com – ќе забележите дека одредени содржини на нејзиниот вебсајт се пишувани од експерти со познавање на веб и технологија, кои се насочени кон пласирање на корисни совети за користење на социјалните медиуми и нивното влијание. Интересен концепт за едукација на нејзината примарна публика од “жени домакинки”
- Чет во живо на Facebook – Максимално искористување на Oprah Facebook страната со опции за директна, видео комуникациија со нејзините 6 442 128 фанови
- @Oprah Twitter – Ако сте еден од 8 203 272 “следачи” на нејзиниот профил на Twitter ќе забележите дека секој твит има лична содржина и сериозно делува дека таа сама си го менаџира својот профил и блиската комуникација со публиката. Личното присуство на оваа мрежа ја прикажува со објавување на слики или видеа од нејзина канцеларија, кујна, и споделување совети од нејзиното лично искуство. На некој начин нејзинотото присуство има големо влијание во преминот во mainstream сервис, дури и нема да биде чудно ако и нашите мајки си отворат Twitter профил.
И на крај, Oprah направи одличен потег во промовирање на влезот во гиковскиот сегмент. Се појави на Facebook Live во интервју со COO-то Sheryl Sandberg и нормално дружба со гиковите од Facebook.
Гледајте, добро е!
Заборавив да ви пишам дека мора да и станете фанови на Oprah, со оглед на нејзиното искуство во изненадување на публиката со скапи подароци. Примерот е со Pontiac G6 – 276 парчиња, кои ги подари на цела публика.
