Мрежата ја работи Backplane, компанија во која не само што инвестира LadyGaga, туку и Eric Schmidt. Трип!

Ако сте фан, можете да си се пријавите за покана на LittleMonsters.com, а еве неколку интересни функционалности согласно намената на оваа мрежа:

Можност за едитирање на фотографии

Споделување на постови, фотографии и видеа од страна на малите чудовишта:

Секција со настани и информации за настапите на LadyGaga, обележано со крст на мапа и листа на чудовиштата што веќе се одлучиле да посетат конкретен настап.

Од аспект на WOW функционалности, можеби и нема кој знае каков придонес, но овој niche сам по себе ветува привлекување на голем број корисници.

Ако сакате да ги следите топ листите на музичари согласно нивната популарност на  социјалните мрежи, посетете ја листата Social 50 на Bilboard.

Apple ги објави најновите информации за своите продажби во периодот од 25 Септември до 31 Декември 2011. Тие се следниве:

• iPhone: 37.04 милиони продадени (17.07 милиони продадени во претходното тромесечие )
• iPad: 15.43 милиони продадени (11.1 милиони продадени во претходното тромесечие )
• Mac: 5.2 милиони продадени (4.89 милиони продадени во претходното тромесечие )
• iPod: 15.4 милиони продадени (6.62 милиони продадени во претходното тромесечие )

Или сето тоа искажано во долари:

• Приход: $46.3 милијарди ($28.3 милијарди во претходното тромесечие)
• Профит: $13.06 милијарди

Овие бројки зборуваат многу за успехот на Apple и неговата серија на производи iPod,iPhone,iPad и Mac. Иста така можеби се индикатор за она што не очекува во иднина или како што ја нарекуваат post-PC ера. При самата презентација на резултатите новиот CEO на Apple Tim Cook, изјави дека ќе дојде ден кога пазарот за таблети ќе вреди повеќе од пазарот за PC.

Уште еден интересен момент кој беше спомнат во презентацијата е бројката од вкупно 110 милиони посетители во 358-те продавници на Apple. Што во просек изнесува 22.000 посетители неделно во една продавница. И се разбира резултатот од овие посети е $6.1 милијарди приход.

По објавувањето на резултатите нормално вредноста на акциите на Apple се зголеми, а со ова Apple докажа дека и големите компании можат да имаат огормен раст, и дека иновациите се она што ја движи компанијата напред. Во 2012 многумина ги очекуваат новите модели на iPad3 и iPhone5, со што Apple би требало да ја зацврсти својата доминантна позиција на пазарот.

Се разбира со очекувањата кои Apple ги направи со овие резултати и производи, на големо се зборува што ќе биде наредниот нов производ од Apple. Пред Apple претстои нов предизвик да продолжи и во 2012 со одличните резултати, знаејќи деќе конкуренцијата е се поголема и развојот на технологијата е се побрз и побрз.

MarkMonitor е компанијата задолжена за купување и менаџмент на домеините на Facebook, како и на повеќе веб гиганти.

Најнови домеини купени од MarkMonitor асоцираат на новитети што најверојатно ќе бидат претставени од Facebook. Или пак можеби не?

Така, само овој месец се купени интересни домеини кои асоцираат (барем мене) на неверојатно интересни опции што можеби ги планира Facebook во иднина.

Домеинот timelinemoviemaker.com, е купен на 18ти Јануари и остава голем простор за љубопитност и претпоставка што може да се крие како сервис зад овој домеин. Дали ќе си правиме филммови на тајмлајн-от на Facebook?!

Друг домеин кој истовремено е мошно интересен, е facebook-newsroom.com. News Room = соба за вести.. интересно нели?!.

Дали Facebook ќе се обиде да креира сервис за корисниците кој ќе овозможи креирање на библиотека од содржини и вести? Дали е сервис сличен како Reddit? Ќе видиме..

Кои се вашите претпоставки, за овие најнови домеини купени од страна на MarkMonitor? Можеби ништо … ќе оставиме времето да покаже

По повод првиот роденден на првиот Македонски веб сајт за групни попусти – Grouper.mk ве покануваме да присуствувате на настанот кој ќе се одржи на 21 Јануари во Lounge Bar Every Day од 21:00 до 01:00ч.

Според соопштението од тимот на Grouper.mk, за една година Grouper остварил ОНЛАЈН обрт од над 10 милиони денари, со што значајно влијаеше на зголемување на онлајн купувањето во Македонија.

Со над 30 000 продадени купони и над 20 000 задоволни корисници Grouper е лидер во групните попусти и воопшто онлајн купувањето.

Grouper е првиот Македонски веб сајт кој го раздвижи онлајн купувањето во земјава.

На овој линк може да ја погледнете зделката, каде ќе најдете повеќе информации околу забавата.

Им посакуваме многу поголем успех во оваа година!

Што е Grouper? from Grouper.mk on Vimeo.

На кратко кажано So.cl е нова социјална мрежа, што таргетира млада публика, пред се студенти за зголемување на можноста за пребарување на информации, споделување и брз начин на учење.

На прв поглед, ќе најдете големи сличности искомбинирани од веќе постоечките Fаcebook и Google+. Најголемата разлика е можноста за пребарување и директно споделување со пријателите. Со оглед на блиската врска со Facebook, новата социјална мрежа на Microsoft нема да ви побара да креирате профил, туку најавата се врши со веќе постоечки сметки од Facebook.

Нормално, во оваа фаза ќе можете да го погледнете So.cl само со покана од ваш пријател

Сумарно, Microsoft и FuseLabs креираа нов пребарувач во формат на социјална мрежа, и влегоа во директна борба со новите опции за персонализирано пребарување на Google+.

Споделувањето на фотографии е еден од најбрзо растечките сегменти во рамките на социјалните мрежи.

Водечки аликации се секако Flickr и Instagram.Во оваа група се вклучува и компанијата Warner Bros со свој сервис за споделување на фотографии Out My Window.

Моментално сервисот е во фаза “Наскоро”, што може да го проверите на домеинот outmywindow.com.

Сервисот се базира на слоганот, “Share your view at the speed of life” и според малкуте информации достапни на вебсајтот, најверојатно овој сервис ќе вклучува, споделување на видео и фотографии, дигитално подобрување на фотографиите , како и опции за споделување на социјалните мрежи.

На прв поглед, изгледа дека овој сервис ќе понуди целосно решение за споделување на фотографии различни уреди – компјутер, таблет, мобилен телефон или телевизор. Во оваа насока на поголема корисничка достапност е и најавата дека сервисот ќе се базира на дозвола за пристап со профили од Facebook и Google.

Какви новитети ќе понуди овој сервис ќе дознаеме наскоро,а вие ќе можете уште денес да се претплатите за нотификации кога овој сервис ќе биде и јавно достапен.

Со цел да си посакаме најсреќни празници и уште посреќна 2012, ви споделуваме позитивен концепт со кој хрватскиот дневен весник 24sata веќе втора година им се обраќа на читатeлите во очи Нова Година.

Така, 24sata во денешното издание ќе содржи само весели вести без трагедии, корумпирани политичари, злосторства, црни хроники итн, со цел позитивно да влијаат на своите читатели, допринесувајќи кон повесела новогодишна атмосфера.

Минатогодишниот успех на оваа идеја е пренесена од големи издавачи како Washington Post, Good Morning America, Forbes и сл.

Да се надеваме дека во 2012 насловните страници ќе имаат се повеќе вакви смилевци, а ние ви посакуваме да се одморите за празниците да продолжите да читате позитивни вести и секако да бидете весели и насмеани.

Уште од кога знам за е-трговијата во Македонија, на сите главен проблем им е тоа што нема Paypal во Македонија. Да тоа е недостаток, но можеби е крив и нашиот менталитет, па кога нешто не оди како што треба или како што очекуваме, се нешто ни фали и некој друг ни е крив. Сме се фатиле како слеп за стап со Paypal, како да кога ќе дојде Paypal во Македонија, е-трговијата одеднаш ќе почне да цвета и сите конечно ќе може да започнат со својот онлајн бизнис. И бидејќи толку ќе ни биде се розево, ќе му дадеме на Paypal зграда на плоштад, а може да изградиме и споменик веднаш до Аце, или наместо меч во раката Аце ќе држи Paypal картичка.

Не велам дека доаѓањето на Paypal не е важно, мислам дека малку ја преувеличуваме целата работа. Па така во секое интервју со министерот Иво Ивановски, задолжително има прашање “Од кога Paypal во Македонија?”, а со тоа само сакаме да кажеме дека сме експерти за е-трговија.

За развој на е-трговијата постојат 3 предуслови кои треба да се исполнети:

• Интернет пенетрација
• Пенетрација на платежни картички
• ДОВЕРБА

За првото според Заводот за Статистика интернет пенетрацијата во Македонија е над 50%, што е доста добар процент. Oд вкупното население на возраст од 15 до 74 години, компјутер користеле 58,9%, додека интернет користеле 56,7%. Што значи дека многу веројатно е дека повеќе од половина од Вашата таргет публика е на интернет.

На оваа статистика, само се надоврзува и бројот на Facebook корисници во Макеоднија (873.900 корисници), што е уште еден индикатор за исполнување на првиот услов за развој на е-трговијата во Македонија, односно интернет пенетрација. Целосниот извештај од Заводот за Статистика може да го прочитате овде!

Во последните години со реформата на владата, со можноста платите на администрацијата и пензиите да се земаат на картица, брзо порасна и бројот на издадени платежни каритчки, така да денес нормално е секој да има картичка.

Пред некој ден се израдував кога забележав дека бабичка од 70тина години, си плаќаше во Кам со картичка.

Според Casys, бројот на платежни картички во Македонија е 1.451.139 картички што реално може да се користат за онлајн плаќање. Е тука има само еден мал проблем, а тоа е Стопанска Банка.  Доколку ги прашате сопствениците на е-продавници, најголем проблем им е тоа што со картичките на Стопанска Банка не може да се плати онлајн, освен да платите сметка кај T-mobile. Мислам дека ова е многу поголем проблем од тоа што нема Paypal во Македонија. Надополнување: картичките на Стопанска банка освен на вебсајтот на  T-Mobile, функционираат и на шопинг порталот tc.mk и веб продавниците кои ја користат платформата/решението. Па се надевам оваа опција ќе биде достапна наскоро за сите е- трговци. (Александар, фала за информацијата)

Довербата е она што најмногу недостасува, меѓутоа со едукација на корисниците полека но сигурно почнува да се стекнува. Довербата е клучна во целиот процес на е-трговијата. Paypal ја носи таа доверба, но можам да се кладам дека само многу мал процент од корисниците знаат што е Paypal, и доколку дојде Paypal ќе мора да инвестира доста во бренд awareness и изградба на довербата кај корисниците.

Ја следам е-тровијата во Македонија од самите почетоци, дури во 2009, заедно со колегите од е-Невладина организиравме вебинар на тема е-трговијата во Македонија, снимка од истиот може да погледнете овде, и можам да кажам дека нешто што најмногу недостасуваше во тоа време беше иновацијата и нови бизнис модели, се до појавувањето на сервисите за групни попусти.

Со појавата на Групер, Колектива, Купуваме и сега уште мин 10 слични сервиси за групно купување, заживеа и е-трговијата во Македонија. Така, расот на е-трговијата во 2011 во споредба со 2010, е доста значителен.

* извор Casys, целата презентација погледнете ја овде!

Ова е доказ дека иновацијата е она што создава вредност и води кон развој, и не треба да седиме со скрстени раце и да чекаме да дојде Paypal во Македонија за да започенеме со е-трговија.

За крај се прашувам дали откако ќе дојде Paypal, можеби ќе чекаме и Амазон да отвори Amazon.mk, па да почнеме со “развој” на е-трговијата.

Сервисот MojTermin.mk започнува да функционира од 1ви Декември со функционалности за електронско објавување и следење на листите на закажување прегледи во здравствените установи.

За почеток, овој сервис ќе биде имплементиран во установите со најдолги редици на чекање: Клиника за радиологија, Градската општа болница „8 Септември“ и Хирушката клиника „Св.Наум Охридски“ во Скопје.

Како што прочитавме од неколку извори, е најавен јавен пристап до овие листи за чекање. Хмм? Сеуште не сме сигурни што значи ова, но се надеваме дека нема да има јавна листа со име и презиме на пациенти, нели?!

Во пилот фазата процесот на закажување е скоро мануелен, со тоа што при првата посета пациентот ќе си добие бројче со кое ќе биде внесен од администратор во системот.

За наредните фази на развој на овој систем, најавени се опции за електронско закажување на термини од страна на пациентите, како и добивање на СМС нотификации при промени во закажаниот термин од страна на конкретен пациент.

Новиот сервис на Google, Google for Veterans е одлична иницијатива на Google во едукација и овозможување на сервиси корисни за воени ветерани, што на некој начин е сегмент кој веруваме, дека до сега ниту една компанија го нема опфатено во целост.

Со прости зборови, се работи за водич за војници или воени ветерани, како да ги користат сервисите на Google за да им помогнат во:

• Комуникација со најблиските – Google Voice и Hangout
• Чување на воени документи- Google Docs
• Снимање и чување на видеа – Youtube
• Снимање и чување на фотографии- Picasa

Во рамките на оваа иницијативва, Goolge претстави и нови сервиси достапни за воените ветерани:

• Tour Builder – е оваа опција е интересен новитет и се состои од опции за креирање на тури низ Google Earth поврзани со конкретни настани (во случајот со воени активности) кои ги доживеале ветераните. Моментално се достапни демо тури , што можете да ги погледнете и да забележите дека изгледот и опциите се скоро слични како енциклопедите слични на Encarta
• Vet Connect- алатка за социјализирање на воени ветерани со искористување на опции од Google +
• Vet Resume Builder – апликација за внесување на потребни податоци за креирање на онлајн резиме.

Интересни се и алатките што Google им ги презентира на членовите на семејствата на воените ветерани, посебно стимулацијата за креирање на кругови и групи за вмрежување со други семејства на Google +.