Сигурна сум дека забележавте промени при пребарување во Google или “Search, Plus Your World”,  нов начин на приказ на пресонализирани резултати со приоритет на содржини од корисничките Google+ профили.

Немаше да биде толку голем проблемот, ако Google овие персонализирани резултати не ги воведеше како default опција, без разлика што може  да се исклучи опцијата.

Со новиот начин на пребарување базиран на приказ на персонализирани резултати (читај, фаворизирање на содржини споделени на Google-ски сервиси) овој гигант прави грешка!  Само за да ги зголеми корисниците на Google+ и да го сврти вниманието на компаниите во креирање на бренд страни, Google си дозволи да направи целосен trade-off на својата главна мисија заснована на релеватност:

Google’s mission is to organize the world‘s information and make it universally accessible and useful.

Најголем дел од приходите на Google се резултат на релеантните податоци што овој пребарувач успеа да ги конфигурира како главна предност пред останатите пребарувачи. Но, изгледа дека е почеток на историска грешка што остава простор за надеж и просперитет на конкурентски пребарувачи.

Веќе е потврдено дека Google и пред персонализираното пребарување веќе листаше резултати од профилите на компаниите на Google Plus. Поточно, ако пребарувате нешто, прво Google ќе провери дали има фотографија, видео, линк, текст на некој свој сервис, како Google+, Youtube, Android и сл., а веќе подолу се листаат резултати од профили или содржини на некој туѓ не-Google сервис/вебсајт.

Мене лично ме нервира! Не барам персонализирани резултати  (не сакам да се барам себе си) ниту пак резултати за содржини што се дел од мрежата на Google.Bарам релеватни, најдобри резултати. Сакам брзо да најдам тоа што го барам, што не значи дека го барам тоа што моите пријатели веќе го поставиле на Google+,  содржини што веќе сум ги видела и не сакам пак да ги добијам како резултати при пребарување.

Досега голема релеватност имаа резултати од Facebook и Twitter, бидејќи најголема активност и постови за одредени компании се споделени на овие мрежи и нормално дека добиваа висок ранг во резултатите на Google.

Но, сега со новиот начин на пребарување, Google ги бутна долу сите резултати поврзани со овие 2 конкурентски мрежи на Google+. Дискутабилно, и предмет на мерки што можеби треба да ги преземат анти монополистичките институции. Така овој потег на Google во неферско фаворизирање на својот сервис ќе биде разгледан и од FTC.

Проблем со приватност. Не мора да гуглате специфичен лик. Доволно е да го ставите во круг, и веќе голем дел од фотографиите споделени на Google + многу лесно стануваат видливи во резултатите на Google. Причина повеќе да внимавате како ќе споделите фотографии во Google+.

Проблем за SEO. Ако до сега се мачевте во креирање на уникатни содржини и развој на оптимизирани вебсајтови, оддеднаш сиот овој концепт ми изгледа дека ќе падне во вода. Сметам дека ако продолжите да се занимавате со SEO, најдобро решение е да ги преселете вашите напори на Google+. Мислам дека се ближи крајот на цела SEO индустрија, барем таква каква што ја познававме до сега!

Дали Keyword Referral и organic резултатите ќе станат минато, и дали ќе почне ера на плаќање за “шерови” на постови од Google+?! Ако се изгуби веб ранкот како индикатор за преглед во резултатите на Google, тогаш што ќе ни се влезни линкови?!

Квантитативно сеуште не знам колкаво е влијанието на оваа промена врз сообраќајот од organic search. Дали сега имате одговорот на прашањето: Како да бидам прв на Google?!

Што мислите вие?!

Новите промени во изгледот и навигацијата во Google, вклучуваат нов дизајн на начинот на приказ на главното мени на Google.

Ако до сега навигацијата беше поставена во рамките на менито со црна позадина, во наредниот период навигацијата ќе биде пристапувана како drop-down од самото Google Logo.

На крајниот десен агол ќе биде додаден и линк до Google + профилот на корисникот, и можност за директно постирање во стримот на Google +.

На прв поглед, ни делува како суптилно решение за стандардизирање на пристапот до содржините при пребарување и нивно инстантно споделување на Google+

Како дел од оваа фаза на ре-дизајн, е опфатен и изгледот на Google Finance, кој ќе добие дизајн во согласност со новиот интерфејс на Google сервисите.

Така за нас, интересно е да ви споделиме дека фразата “dolina na volcite” е очигледно најпребарувана од Делчевчани ) Тука некаде се и гледачите од Гевгелија и Штип, а дури на петто место се скопјани.

Алатката Google Insight Search е неверојатно корисна, и ние скоро секогаш ја користиме со цел да ја разбереме активноста на корисниците при пребарување во Google, а со тоа и соодветно да ги менаџираме Google Adwords кампањите за нашите клиенти.

Веќе ви ја презентиравме оваа алатка, кога забележавме дека најпребарувани фотографии во Google во месец Септември, беа тригирани од клучни фрази со името на Bo Mccalebb.

Резултати за пребарувања на фразата “dolina na volcite”

Ако делчевчани се први во гледаноста на “Долина на волците”, сепак според пребаарувачките резултати во Google, скопјани најмногу гледаат “Љубов и казна”!

Резултати за пребарувања на фразата “ljubov i kazna”

Овие резултати се однесуваат за пребарувања на фразата ”ljubov i kazna” во последните 30 дена, и е истовремено фраза која има најголем пробив – “breakout” во Google.

Ако ги споредите графиконите, ќе забележите дека “ljubov i kazna” добива поголем обем на пребарување во овој месец, што реално во анализа на конкуренцијата би значело дека му го одзема популарното место на “dolina na volcite” или ако сакате на самата серија. Пробајте ваква анализа да направите со ваши клучни фрази. Верувајте одличен начин за анализа на популарноста на вашата компанија кај корисниците на Google.

Нормално, крајните ефекти од овие пребарувања се насочени кон вебсајот на Сител телевизија или кон Youtubе.

Новите “финти” што Google ги презентираше за своите корисници, се однесуваат на унапредување на алгоритмите во прикажување на поспецифични резултати.  Ако се сеќавате, Google имаше само филтер за видеа, слики, но веќе воведе нови категории или филтри за намалување на времето потребно за корисникот да го најде она што го пребарува.

Така во оваа листа на категории ќе најдете. Everything, Images, Maps,Videos, News, Shopping,  Books, Places,  Blogs,  Flights,  Discussions, Recipes, Applications, Patents.

За секоја од овие категории, постојат специфични филтри соодветни за избраната категорија.

Најнова е  опцијата за пребарување на рецепти.  Така, ако пребарате фрази што содржат збор -храна, од левата страна ќе добиете нови филтри што ќе ви помогнат да го намалите времете за пребарување со користење на филтри според: состојки, време на приготвување, број на калории.

Пребарување на слики,

Ново унапредување на пребарувањето во Google е можноста за избор на слики веднаш со првото внесување на клучната фраза. Само внесете images или photos до зборот што го пребарувате и како прв резултат ќе добиете листа на фотографии што асоцираат согласно пребаруваниот збор.

Пребарување на летови

Со оваа функционалност, Google им го зема лебот на многу компании кои сепцијално се ориентирани на овој тип на пребарување. Така, на google.com/flights имате можност да пребарате летови. За жал, овој начин на пребарување е само достапен за летовите на територијата на САД.

Како надополнување на способностите за пребарување, користете ги новите опции во Google Inside Search и нормално, за да бидете гуру пребарувач во Google најбитно е да знаете точно што барате со цел побрзо да го најдете, нели?!

За сите SEO експерти ова е нов предизвик во оптимизација на своите содржини со цел “зафаќање” на повисоките позиции во рамките на Google резултатите.

Така,Dynamic Search Ads се целосно наменети за привлекување на релавантен сообраќај, со рекламни содржини ажурирани согласно со ажурирањето на веб содржините до кои директираат.

Овие реклами се посебно корисни за вебсајтови, чии сопственици пласираат производи кои се во ограничени количини, со што го намалува времето во постојано ажурирање на рекламите согласно со достапноста на производите објавени на нивниот вебсајт.

Динамичните реклами функционираат при релеватно пребарување на клучни фрази што се согласни со содржини ажурирани на вашиот вебсајт. Така, при секое пребарување на конкретна фраза (која е добро оптимизирана на вашиот вебсајт), рекламите ќе генерираат наслов, текст и линк од вашиот вебсајт со најкомпатибилна содржина која најмногу соодветствува на пребаруваната клучна фраза.

Со овие реклаи, ќе можете да изберете да го таргетирате целиот вебсајт, одредени страни или категории, страни со специфичен URL стринг, страни кои содржат одредени клучни зборови и сл. Секако може да се користат и овие опции за негативно таргетирање, или исклучување на конкретни зборови и вебстрани од појавување во динамичните реклами.

Според Google, компаниите што веќе го испробале овој начин на рекламирање, постигнале 5-10% зголемување на бројот на кликови и многу задоволително ниво на конверзиии.

Доколку сакате да ја активирате оваа можност, Google во моментов ќе ви побара

• Најмалку 50 вебстрани со уникатни производи или содржини кои сакате да ги промовирате
• Системот за конверзии да е компатибилен со динамичните реклами (да имате поставено код за мерење на конверзии преземен од конзолата на Google Adwords.)
• Вашата Google Adwords сметка не е My Client Center сметка

Доколку ги исполнувате овие предуслови можете да влезете во процесот на бета тестирање со внесување Adwords ID и вебсајт домени, на овој линк.

фото: ~wicked986

Во последните 30 дена, името на македонскиот репрезентивец Bo Mccalebb е најкористената фраза за пребарување на слики во Google од страна на корисниците лоцирани во Македонија.

Конкретно, оваа фраза има најголем раст за конкретниот временски период (“Breakout – When you see Breakout listed instead of an actual percentage, it means that the search term has experienced a change in growth greater than 5000%”)

Од табелата подолу ќе забележите дека 3 комбинации од неговото име го држат првото место на топ 10 листата за најкористените клучни фрази при пребарување на слики во Google Images

Интересен податок е и листата за пребарување на веб резултати. Во последниве 30 дена, македонците очигледно дека најмногу пребаруваат информации за eurobasket 2011.

Се надеваме дека ќе имаме можност да напишеме пост за пребарувани зборови кои ќе ја асоцираат победата на македонската репрезентација против Шпанија.

Напред наши!

Најголема цел на секој огласувач е да ја поседува првата позиција на Google. За да го достигнете највисокото прво место, ќе ви треба многу труд и напорна работа ако имате таргетирано збор или фраза со поголема конкуренција. Во овој пост би сакал да наведам едноставни и не толку очигледни оптимизирачки тактики, кои имаат големо значење за ранкирањето на вашиот вебсајт.

• 1. Уникатно IP на домеинот. Можеби не сте знаеле кое IP го користи вашиот вебсајт. Доколку имате купено хостинг од некоја поголема компанија, најчесто немате уникатно IP,  туку вашето IP е поделено со неколку други вебсајтови (а во некој случај и со повеќе милиони). Можеби е добра варијанта да си купите уникатно ipv4 ip и да му дадете можност на вашиот вебсајт  да го добие посакуваната позиција на Google. Цените уникатно IP се движат од 1$ до неколку долари месечно.
• 2. Далечината на вашата избрана хостинг компанија. Доколку вашиот вебсајт се отвара бавно, причината може да биде едно од овие две: Или вашиот хостинг провајдер се наога на голема физичка оддалечеост од локацијата од каде ја отварате веб страната или пак нешто не е во ред со “тежината” на вашиот вебсајт. Доколку хостирате на амерички или азиски сервери тогаш има големи шанси да се случи задоцнување со отварањето на вашиот вебсајт. Доколку сте се одлучиле за некој европски хостинг провајдер тогаш сте направиле добар избор и сте завршиле голема работа. Идеалниот случај е кога хостирате во земјата од каде што ви е таргет групата на посетители. Во случај кога работите на домашен терен препорачливо би било да си купите македонски хостинг (иако е малку поскап, сепак има најдобар пинг одговор). Чест на исклучоците и патриотите
• 3. Името на екстензијата на домeинот. По default, Google.com  ги сака домeините што имаат екстензија .com. Значи немојте сега да помислите дека ако не е вашиот домаин .com дека немате шанси за добра позиција на Google. Или пак дека македонските домeини немаат шанси на глобално ниво!? Но сепак, ако сакате да се натпреварувате глобално за резултати на англиски јазик (пример), тогаш подобро е да користите .com екстензија.  Во случајот на постигнување на висока позиција на Google.mk,  тогаш вашиот домеин со екстензија .мк  ќе добие поголема релевантност.
• 4. Регистрираното време на домианот. Биг-G дава предност на домеини кои што се регистрирaни на подолг временски период. Ова се објаснува со едноставна логиката – колку повеќе вложувате во времетраење на домаинот толку повеќе сте сериозни во управување на вашиот вебсајт /домеин. Во моментов ова е правилото за  условно кажано“странските“ домаини/екстензии. За македонските .mk домеини,  ќе почекаме одреден временски период за да се овозможи купувањето на домеини за подолг временски период.

Можеби овие совети, веќе ги знаете но дали сте им посветиле доволно внимание? Споделете ни го вашето искуство

• 9 милијарди долари приход за Q2, 2011
• Дневно активни Android уреди : 550,000
• Chrome: 160 милиони корисници
• Google+:  10 милиони корисници
• +1 копчето: 2.3 милијарди пати користење на ден
• Google+ активност: дневно споделување на над 1 милијарда содржини

Тајната на успешноста според Larry Page е следнава:

• Зголемена брзина на остварување и имплементција на проекти
• Јасна организациска структура – Продукт менаџери со јасни одговорности за своите позиции
• Кооперативност, согласување и взаемно помагање на новиот менaџмент
• Стратегија за интеграција и освежување на интерфејсот на скоро цело продукт портфолио

2011Q2 Google Earnings Slides
И на крај еве дел од неговиот телефонски говор:

“All of us at Google want to create services that people across the world use twice a day … just like a toothbrush!

And we strive to make those services beautiful, simple and easy to use

That way we can provide huge benefit to the world

We have made a good start but we are at only 1 per cent of what’s possible … Google is just getting started … and that is why I am here–working hard to lead this company to the next level

Thank You. And again, we had a great quarter.”

Оваа одлична фотка е преземена од muratolmez.com

Во овој пост ќе ви споделиме неколку најчесто користени “финти”  за пребарување во Google. Во табелата се неколку кратеници и симболи со соодветен начин на користење за паметно пребарување во Google.

Пробајте да пребарувате на овој начин и за кратко време ќе се навикнете во брзо пребарување на релевантни резултати. Ајде и вие споделете некоја финта за брзо пребарување и пронаоѓање на посакуваните резултати.

Во овој пост ќе научиме зошто толку го сакаме ова мало сино +1 копче повеќе од неговиот бел близнак и како да измериме кој е неговиот ефект.

Знаете ли воопшто како работи Google +1 копчето??!

Од аспект на маркетерите, копчето +1  ќе ви помогне во зголемување на CTR – стапката на клик во однос на прикажувањата на вашите реклами или линкови во резлтатите на Google. Ако видите дека некое ваше другарче веќе кликнало на +1 копчето до Google резултат што го пребарувате, голема е веројатноста дека и вие ќе го кликнете, нели. Одлична функционалност, која ја оправдува и главната поента на постоењето на Google – креирање на релевантност на своите резултати и помагање на корисниците за брзо време да стигнат до “тоа” што го бараат.

Очигледно е дека копчето би имало ефект. Но колега, каде се бројките?!

Вие, како паметни маркетери, ќе сакате да знаете кој е ефектот на ова копче и како да го измерите, нели!?

1. Статистика за +1 копчето – За да изброите колкав е ефектот на +1 копчето, Google направи опции со статистики во webmaster tools. Ви советувам, практично да си ги погледнете статистиките, бидејќи ми е малку тешко описно да ги објаснувам бројките (се извинувам .

Сепак,  еве ги главните опции и статистики за +1 копчето:

• +1 Metrics: Многу паметна статистика со споредбена табела на стапката на кликови со и без +1 копчето. Ова се статистики само од organic резултатите на Google, при пребарување на зборови што тригираат појавување на вашите линкови.
• Activity : Споредба на ефектот на копчето  поставено на вашиот вебсајт или на други вебсајтови. Ова значи колку пати било +1 кликнато копчето поврзано со линкови до вашиот вебсајт или на вашиот вебсајт.
• Audience: Статистика за демографијата и географската локација на корисниците што кликнале на +1 копчето. Но, статистиките се генерираат, само кога поголема група корисници, кликнале на вашето +1 копче.

2. Поставување на +1 копчето - Без преголемо размислување, ставето го копчето на видливо место на вашиот вебсајт.

• Генерирајте нормално +1 копче: Овој код, генерира +1 за целата URL страна на која е поставено.
• Напредно +1 копче: За сите што имаат поголемо познавање, можат да го персонализираат копчето за да се однесува специфично за конкретен линк или пост на страна на која имате повеќе линкови или постови.

Забелешка, доколку немате поставено вебсајт во webmaster tools, можеби ќе почекате 48 часа додека да почнете да ги гледате графиконите и статистиките од копчињата.

Еве една корисна презентација со целосно објаснување за употребата на Google + копченцето:

3. Зошто Google не ги ставил овие опции во Google Analytics?!

Не знам, искрено. Сепак можете да мерите статистики на вашето +1 копче поставено на вашиот вебсајт, со користење на опцијата за Event Tracking во Google Analytics.

За сите што повеќе се разбираат, еве го кодот што го најдов, а можете да го поставите на вашиот вебсајт за да креирате Еvent tracking во Google Analytics: десен клик и видете го кодот на ова копче: