Дали се сеќавате на домеинот timelinemoviemaker.com и дека се “чудевме” каков сервис Facebook крие зад него?

Веќе е објавена апликацијата Timeline Movie Maker, која им овозможува на корисниците да креираат филм од свои моменти споделени на Timeline-от.

Не постојат инструкции како да го користите овој сервис. Единствено ќе треба да имате споделено минимум 75 фотографии со цел да креирате филм. Апликацијата ќе ви побара инструкции да дадете пермисии за основни информации, вашата е-маил адреса, вашите видеа, слики, постови со локација и слично.

Почекајте апликацијата да ја собере вашата содржина и ќе можете да го погледнете филмот, да замените фотографија или да додате музика.

Интересно е што Facebook нема вклучено опции за споделување, како на пример на Youtube.

Очигледно е дека со оваа апликација, Facebook има цел да го зголеми искуството на корисниците и здобивање на нивната наклоност кон Timeline профилите. И нормално, планот е ваков тип на апликации да бидат нареден чекор во интеракција со корисниците.

Кликнете на “Make Your Movie” и креирајте си ваш филм.

Дали си добивте покана за да го тестирате so.cl, новата мрежа на Microsoft за социјално пребарување?  Никола веќе спомена неколку разлики во споредба со другите мрежи и на кратко кажано, so.cl е социјална мрежа за споделување на тоа што вие го пребарувате.

На прв поглед изгледа едноставно и интересно решение за пребарување и споделување содржини, со одредени предности и новитети кои имаат можност за генерирање на голема база на корисници. Со so.cl, можеме да кажеме дека почнува нова ера во трансформација на начините на пребарување.

Зошто so.cl има предност пред Google+? Бидејќи најдобар другар му е Facebook. Сериозно, оваа мрежа има големи шанси да просперира, најмногу поради одличната интеграција со Facebook:

• Сметките се креираат со веќе посточки профили на Facebook
• Се што споделувате можете да го додадете и на Facebook
• Видео собиранките исто можете да ги споделите на Facebook и да поканете пријатели

Опција:Search 

So.cl користи термини како Feed, Following, Followers, Video Party, Tag, Search, не постојат копчиња како +1, Like, туку една сина смајли иконка со слична функција, a ставен е акцент и на  TAG (опција објаснета малку подолу).

Значи главната поента на оваа мрежа е да пребарувате со користење на алатката за Search, и секако да го споделите јавно со пријателите.

Како функционира пребарувањето?! Дали се користат алгоритми од Bing?! Немам појма, само ќе забележите иконка Results by Bing и јасно е дека So.cl користи функционалности од Montage, со цел визуелно прикажување на содржината што ја пребарувате, во формат на линк, слики и опис.

Идејата е овие споделени линкови и содржини да го скратат патот на пребарување, со оглед на фактот дека групите во кои се движите пребаруваат на сличен начин како вас и можеби веќе нашле содржини кои вие не мора да ги барате.Така, останува прашањето дали целта е да се соберат корисници на оваа мрежа и да се тргнат од пребарување директно на Google.

Опција: Video Party 

На so.cl ќе можете да креирате видео разговори со пријатели или да закачете видеа и да ги гледате заедно со пријателите. Многу слично како со Google hangout, со разликата дека ќе можете да поканете пријатели од Facebook.

Видеата што сакате да ги гледате со пријателите ќе можете да ги додадете само со користење на пребарувањето и клик на видеото. интересно е што при пребарување нормално се добиваат резултати од Youtube, што мене ми се виде и дури предност за Google, посебно поради можноста за пласирање на реклами пред поголема публика и преку сервис овозможен од Microsoft. Еве како си направив журка сама со себе и трејлерот за Angry Birds.

Морам, да додадам дека големо време е посветено на навигацијата и задржување на вниманието на корисниците кон оваа опција, посебно што секоја активна видео журка, стои на профилот на корисникот, предност пред Google Hangout, опција која ако ја користите добивате чувство дека треба да излезете од вашиот профил.

Опција: Tags

Организирање на содржина со тагови. Ова е корисна опција, бидејќи на овој начин ќе можете да си забележите и зачувате се што ве интересира, а е споделено од вашите пријатели.

Таговите како функционалност не се ништо ново, но оваа намена сеуште не е достапна во други социјални мрежи, а е одлична за креирање на сопствена база на податоци од линкови, видеа, музика, статуси и сл споделени од пријателите. Многу едноставно и многу корисно, трансформација на сервиси како delicious.com.

Ако некој од вас сака покана, нека напише свој e-mail во коментарите и ќе му пратиме. Бидете брзи!

Веќе сфативме колку се битни релеватните фанови и генерирањето на иницијалната фан база. Си направивте еден куп фанови и сега што?! По-конкретното би било прашањето: Како да ги анимирате, забавувате, наградувате?!

Веќе зборувавме за правилата на организирање наградни натпревари и споделивме неколку интересни кампањи за креирање на поголема база на фанови. Преостанува организирање на напорите за поттикнување на овие фанови во секојдневно лајкање, коментирање и споделување на вашите постови.

Со цел да направиме конкретен пример,  овој пост се однесува повеќе на компании со свои бренд страни на Facebook, а не толку на портали за вести и новости.

Нормално, линковите се полесен начин да креирате активност на Facebook и не ви одзема време за креирање содржина, нели?!

Сепак како заклучок на оваа битка линкови v.s фотографии во пост, предлагаме победа за фотографиите. Зошто? Доволни се овие 3 резултати:

• Зголемено внимание и фокус на самата фан страна, а не на надворешна содржина. Една фотографија, 1000 зборови!
• Можност за поголем број на коментари и лајкови
• Зголемен број на споделувања, а со тоа и поголем вирален ефект

Можеби најголемата причина зошто линковите ја губат битката е тоа што ги бркаат фановите кон надворешни веб сајтови и содржини.

Како пример ќе си го земам Heineken. Не само што е добро пивото, туку и креативноста што е вложена во зближување со фановите на Facebook.

Heineken ангажира труд, креативност и испланирана активност со цел преку вирални фото пораки да се анимираат фановите. Примери од постои со овие атрибути, погледнете подолу:

Сега за сега ми води статусот: “The secret of successful negotiation: bring the right ingredient to the table”,  споделен со фотографијата подолу:

Што мислите вие? Споделете го вашиот придонес со одоговор на постираниот прашалник на нашата Fаcebook фан страна.

Ви споделуваме неколку интересни трикови како да ги збогатите вашите Facebook статуси или пак разговорите преку Facebook Chat.  Дел од нив веќе ви се познати, но можеби ќе најдете и некој интересен симбол или смајли што не сте го знаеле.

Подолу е листата со симболи што можете да ги внесете како дел од статусите што ги постирате на Facebook. Наравете copy-paste во полете за постови на Facebook и направете интересен визуелен статус.

Во прилог се комбинации од карактери што можете да ги искористите како скратеници за да прикажете интересна емоција при четувањето на Facebook.

Запомнете, за да ви успеат скратениците ќе мора секој карактер да го пишувате споено за да се појави во прозорчето за чет.

	smile	: )
	sad	: (
	stick tongue	: P
	big smile	: D
	shocked	: O
	wink	; )
	geek	8 )
	cool	8|
	angry	>:(
	think	:\
	cry	:’(
	devil	3:)
	angel	O:)
	kiss	:-*
	heart	<3
	happy	^_^
	dream	-_-
	confused	O.o
	mad	>:o
	pacman	:v
	curly lips	:3
	robot	: |]
	chris putnam	:putnam:
	penguin	<(“)
	shark	(^^^)
	42	:42:

Модната дизајнерка, Vera Wang неодамна беше гостинка на Facebook Live Talks, и зборуваше на темата за креирање на автентична врска со своите муштерии.

Слично како со мислењето на Oprah, нејзиниот одговор за успешен разговор со корисниците, е дефинитивно Facebook.

Начинот на комуникацијата со жените е дел од нејзиниот бренд и главна мисија за искористување на можностете на социјлните мрежи со цел поблиску доближување до нивните потреби.

Најбитно според нејзино мислење, е постојаната евалуација на нејзината работа, посебно што индустријата е под големо влијание од инстантната брзина на ширење информации и запознавење на корисниците со нови трендови.

Како стилист во Vogue, има научено да ги слуша своите муштерики, но и да пренесе искуство во креирање на идеа за целосен изглед.

Како што ќе забележите од статистиките во табелата, Вера е една од најактивните на Facebook , во споредба со други дизајнери во модната индустријата. Нејзината фан страна има скоро 200 000 фанови (не премногу), но е доста интерактивна со 76 статуси, постирани во месец Ноември.

Ако сте фан на Facebook страната на Вера, ќе забележите дека често постира лични пораки со интересен потпис на крајот на секој статус: XXVera(превод – кис4е од Вера

Нејзината Facebook страна е одличен пример за да се направи анализа за важноста на начинот на интеракција со фановите, без разлика што нивниот број е помал во споредба со конкуренцијата.

Ако се направи добра анализа на оваа статистика за Facebook присуството на модните компании, стапката што е најдобар индикатор за нивна успешност е engage rate – или во слободен превод, стапка на вклученост или инволвираност на фановите.

Така, ако се земе во предвид овој факт, Вера е на високото 7 место, со 24,46 или 0,24% engagement rate. Оваа стапка на вклученост  е вредност што се мери врз основа на колкав бил ефектот на статусите постирани од одреден бренд, врз обемот на лајкови и коментари за тие статуси. Оваа стапка се пресметува со број на коментари поделен со број на постови поделен со број на лајкови.

*овој просек е направен од алатката за социјални статистики на SocialBakers.com

Заклучок: Не е толку важен бројот на фанови како што е важен процентот на раст на стапката на инволвираност на фановите во интеракциите – статусите постирани од страна на компаниите.

Од вчера забележав дека тоа сега е променето во број на уникатни корисници кои го имаат видено постот, и колку од нив “are talking about this”

Дали е ова резултат на можноста за креирање на страни за компании во Google+ или не, во секој случај е позитивна новост.

Со ова уште еднаш Facebook ги покажува предностите кои ги нуди и можноста за мерливост. Со оваа промена, ќе имате точна информација до колку корисници стигнала вашата порака, за разлика од TV, билборд, радио и принт.

Голема корист ќе имаат и администраторите кои сега ќе можат да прават споредби на различни типови на објави, да откријат полесно кога нивната таргет група е присутна на Facebook, за да можаат соодветно да ги објавуваат постовите.

Facebook потврдува дека нема да се крие зад стари маркетингшки трикови, и не се плаши да ги открие вистинските бројки кои им се потребни на компаниите за да донесат подобри одлуки.

А моја препорака е да ги прочитате и следниве две статии:

• Интернет Маркетинг или еМаркетинг?
• Билборд против Facebook рeклама = 0:4

Доколку вашата компанија сеуште нема страна на Facebook, побрзајте креирајте ја и почнете да ги мерите резултатите веднаш. Во иднина очекуваме уште многу корисни статистики за сопствениците на Facebook страни.

Би сакале да ни помогнете да го разбереме интензитетот на овој начин на рекламирање со пополнување на прашалникот подолу или пак директно на следниот линк:

По ова унапредување на платформата на Google Docs, веруваме дека вашите нови презентации со сигурност ќе се преселат на веб и ќе ги искористат новите опции како што се:

• Подобри транзииции помеѓу слајдови
• Нови анимации на форми и текст
• Лесен начин на споделување и тимска колаборација
• Креирање на линкови на форми до други слајдови или екстерни вебсатрани

Според нас, најдобро е што можете да ги следите посетите на вашите веб презентации како и останати документи. Ако ја објавите на веб, вашата презентација може да ја следите со генериран Google Analytics код.

За да го активирате новиот изглед на Google презентациите следете ги чекорите:

• Навигирајте до вашите Google Docs
• Изберете ја иконата во десниот агол
• Изберете ”Create new presentations using the latest version of the presentation editor.”

Каков тип на реклами користите за рекламирање на Facebook и кој има најголем ефект? Дали спонзорираните постови, рекламите со линк до вашата фан страна или можеби некој друг формат?

Во овој пост ви ја препорачуваме најновата иновација во креирањето на Facebook реклами, со помош на содржина постирана како статус на Вашата фан страна или Page Post Ads

Предностите се во можностите да прикажете интересена содржина во формат како што е прикажан и на вашата фан страна. Значи ако сте постирале видео или слика , рекламата ќе ги поддржи во ист формат заедно со опциите за коментирање и клик на like копче.

За да креирате ваков тип на реклама, навигирајте во делот за креирање реклами во платформата на Facebook.

• Изберете ја дестинацијата – или фан страната од која сакате да генерирате линк со содржина
• Изберете го постот што сакте да се појави во рекламата

Во прилог е работниот преглед на делот за креирање на Facebook реклами со содржина од статуси постирани на Facebook фан страна:

Нема да ве убедуваме зошто да почнете со професионално присуство на Facebook, туку ќе ви пренесеме искуство како тоа да го направите.

Во овој пост ќе прочитате за начините како да почнете со Facebook наградна игра или натпревар, активност што со сигурност ќе ви помогне да ги анимирате вашите фанови, но и да привлечете нови потенцијални до лојални купувачи.

Која е вашата цел со Facebook натпреварот?

На почеток, треба да ви биде јасно дека не смеете да си дозволите нeпромислена постапка и да почнете со натпревар само затоа што сите го прават тоа.

Размислете и внимавајте на дозволените акции. Facebook е платформа која со сигурност ќе ви ги ограничи вашите мегаломански маркетинг трикови и ве молиме почитувајте ги, бидејќи постојат големи можности да бидете избркани од оваа социјална мрежа.

Подолу се неколку цели, кои вие би сакале да ги постигнете со организирање на натпревар или наградна игра на Facebook.

• Раст на бројот на фанови – ако сакате да го зголемите бројот на фанови и да привлечете нови, верувајте дека повеќе сакате релевантни фанови што се заинтересирани за вашите услуги и производи. Не ви е идејата да инфилтрирате фанови кои само како голем број ќе ви бидат база за фалење на вашата успешност. На крај може да се случи, да стигнете до над 100 000 фанови, да потрошите пари и да завршите со целосно работно време во бришење на СПАМ пораки од вашиот ѕид.
• Дружење на долг рок. Користете ги натпреварите да соберете релеватни е-маил адреси или заинтересирани купувачи што ќе се зачленат во вашиот е-магазин или ќе остават податоци корисни за вашите идни маркетинг и продажни планови. Одлична основа за да го скратите патот на вашите клиенти до потребните информации за нови производи и услуги.
• Основа за истражување- Натпреварите се одлична алатка за да го разберете однесувањето на вашите идни фанови и клиенти. Завнисно од апликацијата која ќе ја корисните за натпреварот, ќе можете да анализирате од каде дошле, и на кој начин се заинтересирале за вашата Facebook страна. Можете да вклучите прашалник пред влезот во натпреварот од кој ќе соберете интересни одговори за однесувањето на вашите фанови.
• Добра волја - Тактика за компании кои имаат проблем во грижата на своите корисници. Користете наградни игри за да ја подобрите перцепцијата кај вашите клиенти.

Колку долго треба да трае натпреварот?

Откако ќе одлучите што сакате да постигнете со натпреварот на Facebook, треба да одлучите и колку долго треба да трае вашиот натпревар. Ако се одлучите за долг натпревар, ќе ја искористите можноста да привлечете повеќе фанови, но и ќе ја испуштите смислата за ургентност и buzz што би ја добиле со пократок период за натпреварот. Во секој случај најоптимален период за вашиот натпревар би бил од 2 до 6 недели.

Која награда треба да ја добие победникот?

Следна е одлуката за главната награда што треба да му ја доделите на победникот. Ако доделите навистина вредна награда, ефектот може да биде целосно погрешен. Ќе привлечете огромен број на фанови, кои ќе се вклучат само за да ја добијат наградата без дури и да знаат со што се занимава вашата компанија.

Затоа, најдобро е да доделите награди кои се доволно атрактивни за вашиот профил на сегашни и идни корисници.

Како ќе го реализирате натпреварот на Facebook?

Главниот момент во вашата наградна игра на Facebook е начинот на реализација. Зопомнете, основните правила на Facebook не дозволуваат користење на Like копчето како основа за генерирање поени и одлучување на победникот. Без разлика што во Македонија овој начин на собирање на фанови е еден од најпопуларните, треба да знаете дека доколку било кој корисник Ве пријави, ризикувате Вашата Facebook страна да биде избришана и да изгубите се во кое имате вложено. Еве извадок од правилата:

- You must not condition registration or entry upon the user taking any action using any Facebook features or functionality other than liking a Page, checking in to a Place, or connecting to your app. For example, you must not condition registration or entry upon the user liking a Wall post, or commenting or uploading a photo on a Wall.
-You must not use Facebook features or functionality, such as the Like button, as a voting mechanism for a promotion.
-You must not notify winners through Facebook, such as through Facebook messages, chat, or posts on profiles (timelines) or Pages.

E сега, ако не можете да го користите Like копчето, ќе треба да си ангажирате агенција која се занимава со изградба на апликации интегрирани со Facebook, и да Ви изработи апликација за Вашата наградна игра. Еве неколку примери за такви апликации :

• Сложувалка – иновативна Facebook апликација на Porsche Македонија
• Со Club SEAT на Ибица

Правила и услови.

Според правилата на Facebook, секој натпревар мора да има правила и услови како фановите да се вклучат и кои се ограничувањата при некоректно учество во натпреварот. Запомнете дека според законите во Македонија, секоја наградна игра мора да биде пријавена во министерството за финансии, но сепак можете да организирате натпревари кои не се категоризирани како наградни игри. Еве добар пример за правила на наградни игри

Како ќе го рекламирате натпреварот?

За жал по креирање на натпреварот, не можете туку така да очекувате дека ќе ви дојдат фанови во наградната игра. Ќе мора да смислите и како ќе го изрекламирате натпреварот. Оптимизирајте ги вашите постови согласно со натпреварот и не претерувајте премногу во објавата на информации за натпреварот, бидејќи можеби дел од вашите сегашни фанови не се заинтересирани за овој натпревар, но ги интересираат информации за вашите производи и услуги.

Се надеваме дека овој пост ќе ви помогне во професионално менаџирање на вашето Facebook присуство, а ако имате искуство споделете го со ваши коментари.