Од досегашно емпириско искуство од убавината на овој празник, неминовно ја наметнува и фрустрацијата на одбирање на ВИСТИНСКИОТ ПОДАРОК. Ова е мигот во кој не само што ја наградувате Вашата љубов туку и објавувате колку навистина ги познавате интересите на Вашиот сакан/сакана.

Апсолутно, празник ко празник треба да се прослави, а согледувајќи ги нашите прекрасни празнични модификации не заборавајте да налиете и по некое црвено вино.

Сметаме, дека празникот треба да го прослават сите без разлика дали субјектот на нивниот живот е вистинска личност, замислено пријателче,лаптопот кој Ви го топли креветот или гаџетот без кој не можете да си го замислите животот.

Се празнува љубовта, затоа сметаме дека е сосема оправдано да му купите антифриз и на Вашиот автомобил- за да не бидам само јас чудната личност во приказната.

Ние си направивме листа на подароци кои може да го изненадат Вашиот сакан/сакана.

1.Моментот на заедничко слушање на музика со идентични слушалки за мене и за тебе.

• Порака со која на сите им објаснуваме зашто најдобрите парови си наликуваат еден на друг
• Слушалки Canyon за него и за неа

2.Моментот на заедничките спомени во мини решение за мене и за тебе.

• Гиковска верзија на привезок срце кое го делите на половина во знак на длабока приврзаност со Вашиот сакан/сакана
• Андроид сет од читачи на micro SD картички

3.Моментот кога ги разбирате фасцинациите на Вашиот сакан и истите максимално сте ги подржиле….Ах, работите што ги правите кога сте заљубени

• За него и неговата фасцинација од Андроид
• Комбо USB Андроид 4GB + маица Андроид

4.Моментот кога Вашата сакана добива дизајнирано парче технологија во нејзините раце

• Девојчиња… ПОНЕКОГАШ повеќе трипаат на дизајн и омилена боја, отколку на упатство за користење и технички спецификации…Добро де…СЕКОГАШ
• Stripes слушалки и глувче

5.Моментот кога Вашиот сакан/сакана го добива најголемото признание од Вас за неговиот труд, успех на професионално поле

• Подарете нешто кое го носи секој ден со себе, и споменот од Вас на неговото работно место
• Бизнис УСБ пенкало

6.Моментот кога навистина многу го/ја сакате и купувате таблет

секој нареден коментар е излишен

Повелете во MyGadge ќе пиеме кафе, чај и ќе изиграме Star Wars монопол!

Procter & Gamble е еден од најголемите светски оглсувачи, со маркетинг буџет од $10 милијарди е една од компаниите која инвестира најмногу во маркетингот.

Неодамна, CEO-то на Procter & Gamble, Robert McDonald, во одговор на поставено прашање го даде следниов одоговор:

“There are just so many different media available today and we’re quickly moving more and more of our businesses into digital. And in that space, there are lots of different avenues available. In the digital space, with things like Facebook and Google and others, we find that the return on investment of the advertising, when properly designed, when the big idea is there, can be much more efficient.”

Она што прво паѓа во очи е ROI! Нормално, сите сакаме да знаеме во која мера ќе ни се врати инвестираното. Според Robert McDonald, ROI од инвестициите во Facebook и Google е поголем или просто кажано добивате повеќе и за пократко време во однос на вложеното. Ова значи дека резултатите се во корист на новите медиуми и се разбира информацијата дека расте процентот од маркетинг буџетот на P&G што ќе се троши за дигиталниот маркетинг, што мене лично многу ме радува.

P&G исто така најавија отпуштања на околу 1600 вработени, мегу кои и дел од маркетинг секторот. По импресивните резултати од добро познатата “Old Spice” кампања, каде резултатот беше 1.8 милијарди бесплатни импресии, работите се менуваат во поглед на поделбата на маркетинг буџетот, кој изнесува 9-11% од приходите на Procter & Gamble, во корист на новите социјални медиуми.

Полека, но сигурно фокусот во маркетингот на компаниите се менува. Новите можности за прецизно таргетирање, големиот број на корисници, се разбира цената која е значително помала од традиционалните медиуми (ТВ,принт,радио) и поголемата мерливост на резултатите се едни од најголемите адути на Facebook и Google.

Верувам дека оваа постапка ќе ја следат многу компании и се поглем и поголем процент од маркетинг буџетите ќе биде наменет кон Facebook и Google.

Дали забележавте промени при преглед на фотографии на Facebook?

Во функција е нов приказ на фотографиите со поголем акцент на коментарите, кои од сега ќе се појавуваат од десна страна веднаш до фотографиите.

Овој lightbox ефект и нов распоред на коментарите  не е баш толку нов, нели? Не му е првпат на Facebook да примени иновативни функционалности од својот најблизок конкурент Google+. По опциите за споделување на долги постови, креирање на листи со пријатели, подобар видео разговор, дојде редот  на повторна инспирација од Google+  за приказ на споделените фотографии.

На крај на денот не е битно дали Google+ ископирал од Diaspora,  па Facebook од Google+, важно е кој најмногу ќе придонесе во задржување на корисниците и нивна се поголема “зависност”.

Веќе се согласивме дека фотографиите создаваат поголем вирален ефект од линковите, но што всушност сака да постигне Facebook со оваа  функционалност (освен корист за своите крајни корисници)

• Повеќе коментари = повеќе нотификации во Newsfeed,
• Повеќе прегледи на постовите со фотографии = повеќе прегледи на реклами, повеќе кликови,
• Раст на CTR, engagement rates = поголема “љубов” од команиите за поголема инвестиција во реклами

А да, еве како изгледа новиот приказ на фотографиите:

Мрежата ја работи Backplane, компанија во која не само што инвестира LadyGaga, туку и Eric Schmidt. Трип!

Ако сте фан, можете да си се пријавите за покана на LittleMonsters.com, а еве неколку интересни функционалности согласно намената на оваа мрежа:

Можност за едитирање на фотографии

Споделување на постови, фотографии и видеа од страна на малите чудовишта:

Секција со настани и информации за настапите на LadyGaga, обележано со крст на мапа и листа на чудовиштата што веќе се одлучиле да посетат конкретен настап.

Од аспект на WOW функционалности, можеби и нема кој знае каков придонес, но овој niche сам по себе ветува привлекување на голем број корисници.

Ако сакате да ги следите топ листите на музичари согласно нивната популарност на  социјалните мрежи, посетете ја листата Social 50 на Bilboard.

Facebook ги поднесе документите за IPO и официјално очекува да собере 5 милијарди долари. Ако компанијата успее да ја собере оваа сума од јавна продажба на свои акции, ќе биде најголемотo IPO во индустријата.

Како што известува Bloomberg, акциите ќе се продаваат под симболот FB. Интересно е што во поднeсениот формулар од Facebook нема наведен износ за проценка на вредноста на компанијата.

Во прилог е документот S-1 и главните податоци пријавени од Facebook: 845 милиони корисници, 483 милиони дневно активни корисници, годишен приход од $3.7 милијарди; $1.8 милијарди оперативен приход и 1 милијарда профит. Интересно е што Zynga допринесува со 12% во приходите на Facebook, a платата на Марк е само 500 000 долари гоишно.

Овој месец Fаcebook ќе слави 8 години од своето постоење, од студентска соба до најголемото IPO во историјата на ИТ индустријата.

FacebookInc-20120201-S1-0

Пред само неколку часа, е донесена конечна пресуда за основачите на Pirate Bay. Да да,  ќе одат во затвор – Peter Sunde 8 месеци, Fredrik Neij 10 месеци, а Carl Lundström ќе биде во затвор само 4 месеци.

Како што веќе знаете Megaupload.com и Megavideo.com се под клуч од страна на FBI, но по се изгледа ThePirateBay.com ќе си продолжи со работа, без разлика што директорите ќе бидат малку отсутни.

Има и добра вест. Како што пренесува и Gizmodo, затворите во Шведска па и не биле толку лоши. Можеби затворот во кој ќе одлежи Питер со другарите, е т.н. “open” затвор, без огради, со одлично уредени соби, кои самите затвореници си ги заклучуваат.

Шегата на страна, прочитајте го мислењето на Питер на неговиот блог, а еве дел од неговите зборови:

“The fight goes on with or without me, I’m just a pawn. But at least I’m a pawn on the morally right side. I’m proud as hell of what I’ve done and I would not change my involvement in any way. I actually think I could have done much more for the fight. And I will.”

Наравучениe: Ако сакате да продолжите со активности на тема “слободен интернет” во време во кое ве гони SOPA, PIPA, ACTA, IPRED, IPRED2, TPP, TRIPS и уште којзнае какви се не, преселете се во Шведска со време

Ако Оскар е манифестација за наградување на најдобрите достигнувања во филмската индустрија, епа Crunchies се Оскар за доделување награди за најдобрите достигнувања во областа на веб технологијата.

На 31.12.2012 се одржа доделувањето на Crunchies наградите и подолу ќе можете да ги прочитате добитниците во категории.

Јас ќе ги издвојам категориите CEO of the Year и Best Social Application, како најинтересни за дискусија.

Ќе забележите дека нај-директор за 2011 е избран CEO-то на Linkedin, Jeff Weiner. Човекот е заслужен за добар менаџмент на 1,797 вработени во Linkedin и секако за задоволување на потребите на своите инвеститори, преку успешно спроведеното IPO во 2011.

Во категоријата Best Social Application победник е Google+, пред Facebook Timeline и новиот интерфејс на Twitter.

Интересно за дискусија, посебно што оваа категорија сама по себе не би требало да вклучува МРЕЖА како Google+. Па така останува заклучокот, дека се работи за наменска категорија, мотив за радување или ако сакате, добро платен PR за промоција на посебноста на Google+ во натпревар со апликации/делчиња од големи мрежи, со кои самиот Google+ во моментов за жал не може да се натпреварува.

Предлог за рамноправен натпревар би била апликација како Google+ Hangout, соодветна номинација за оваа категорија, нели?!

Сепак, радоста не може да ја сокрие ниту проект менаџерот на Google+, Vic Gundotra.

За оваа “не-скромно фалење” за победа во натпревар со мали додатоци од конкурентите, остава впечаток и дека можеби и не заслужува да носи префикс Google.

Подолу е листата од останатите победници по категорија, со линкови до TechCrunch.com каде ќе можете да најдете повеќе информации за секој од номинираните.

Best Technology Achievement
Lytro 
NFC
OnLive
Siri (Победник)
Tesla Flat Pack Battery

Best Social Application
Facebook Timeline
Instagram 
Google+ (Победник)
The New New Twitter
Path 2.0

Best Shopping Application
Birchbox
Fab  (Победник)
Gilt Groupe
Lot18
Warby Parker

Best Mobile Application
Evernote (Победник)
Flipboard
Pandora
Spotify
Square
TaskRabbit

Best Location Application
Airbnb
Foursquare
Grindr (Победник)
RunKeeper
Uber

Best Tablet Application
djay
Eventbrite At the Door
Fotopedia (Победник)
GarageBand
Netflix
StumbleUpon

Best Design
Gojee
Orchestra
Path 2.0  (Победник)
Pinterest
Quora

Best Bootstrapped Startup
Github
Imgur (Победник)
Instapaper
Onesheet
Tap Tap Tap (Camera+)

Best Cloud Service
Asana
Box
CloudFlare
Dropbox (Победник)
Okta
Twilio

Best International Startup
Badoo
Klarna
Peixe Urbano (Победник)
Rovio
SoundCloud
Wonga

Best Clean Tech Startup
Alta Energy
Array Power
EcoATM (Победник)
EcoMotors
Hara

Best New Device
Galaxy Nexus
iPad 2
iPhone 4S
Kindle Fire
Nest (Победник)

Best Time Sink
Modern Warfare 3
Quora
Skyrim
Turntable.fm
Words With Friends(Победник)

Biggest Social Impact
Charity: Water
Khan Academy
Kickstarter
Practice Fusion
Twitter (Победник)

Angel of the Year
Ron Conway
Paul Graham
Reid Hoffman (Победник)
Keith Rabois
Naval Ravikant and Babak Nivi
Kevin Rose

VC of the Year
Marc Andreessen & Ben Horowitz (Победник)
Matt Cohler
Vinod Khosla
Aileen Lee
Yuri Milner
David Sze

Founder of the Year
Leah Busque (Task Rabbit)
Brian Chesky (Airbnb)
Jack Dorsey (Square, Twitter) (Победник)
Susan Feldman & Ali Pincus (One Kings Lane)
Drew Houston (Dropbox)

CEO of the Year
Dick Costolo (Twitter)
Daniel Ek (Spotify)
Phil Libin (Evernote)
Mark Pincus (Zynga)
Jeff Weiner (LinkedIn) (Победник)

Best New Startup of 2011
Codecademy
Fab
Nest
Pinterest (Победник)
Turntable.fm

Best Overall Startup of 2011
Dropbox (Победник)
Instagram
Gilt Groupe
Spotify
Square
Tumblr

Дали се сеќавате на домеинот timelinemoviemaker.com и дека се “чудевме” каков сервис Facebook крие зад него?

Веќе е објавена апликацијата Timeline Movie Maker, која им овозможува на корисниците да креираат филм од свои моменти споделени на Timeline-от.

Не постојат инструкции како да го користите овој сервис. Единствено ќе треба да имате споделено минимум 75 фотографии со цел да креирате филм. Апликацијата ќе ви побара инструкции да дадете пермисии за основни информации, вашата е-маил адреса, вашите видеа, слики, постови со локација и слично.

Почекајте апликацијата да ја собере вашата содржина и ќе можете да го погледнете филмот, да замените фотографија или да додате музика.

Интересно е што Facebook нема вклучено опции за споделување, како на пример на Youtube.

Очигледно е дека со оваа апликација, Facebook има цел да го зголеми искуството на корисниците и здобивање на нивната наклоност кон Timeline профилите. И нормално, планот е ваков тип на апликации да бидат нареден чекор во интеракција со корисниците.

Кликнете на “Make Your Movie” и креирајте си ваш филм.

Знаете дека можете да си поставите Google+ беџ на вашиот вебсјат или блог, нели? Ова копче до скоро беше единствено достапно во нефлексибилни опции, со стандардна големина и боја.

Тимот за развој на Google+ , најавува нови опции за персонализирање на копчето. Овие додатоци во моментов се достапни само во Preview mode, но наскоро ќе ги најдете на страната за генерирање Google+ беџ. Еве ги новите надградби:

• Поголем избор на јазик (го додадоа и Македонскиот, но во моментот кога тестиравме сеуште не работи)
• Избор на боја – светла или темна
• Промена на димензии во ширина

Зошто ви го посочуваме овој беџ?  Бидејќи вашите резултати во пребарувањето на Google многу ќе зависат од базата на корисници на Google+, па затоа и Google се обидува да го “исфорсира” овој беџ со цел компаниите да креираат свои бренд страници, а ова копче да биде влезот за генерирање корисници.

Ако сакате да ја тестирате оваа опција ќе треба да се зачлените во групата Google+ Developers.

Дали си добивте покана за да го тестирате so.cl, новата мрежа на Microsoft за социјално пребарување?  Никола веќе спомена неколку разлики во споредба со другите мрежи и на кратко кажано, so.cl е социјална мрежа за споделување на тоа што вие го пребарувате.

На прв поглед изгледа едноставно и интересно решение за пребарување и споделување содржини, со одредени предности и новитети кои имаат можност за генерирање на голема база на корисници. Со so.cl, можеме да кажеме дека почнува нова ера во трансформација на начините на пребарување.

Зошто so.cl има предност пред Google+? Бидејќи најдобар другар му е Facebook. Сериозно, оваа мрежа има големи шанси да просперира, најмногу поради одличната интеграција со Facebook:

• Сметките се креираат со веќе посточки профили на Facebook
• Се што споделувате можете да го додадете и на Facebook
• Видео собиранките исто можете да ги споделите на Facebook и да поканете пријатели

Опција:Search 

So.cl користи термини како Feed, Following, Followers, Video Party, Tag, Search, не постојат копчиња како +1, Like, туку една сина смајли иконка со слична функција, a ставен е акцент и на  TAG (опција објаснета малку подолу).

Значи главната поента на оваа мрежа е да пребарувате со користење на алатката за Search, и секако да го споделите јавно со пријателите.

Како функционира пребарувањето?! Дали се користат алгоритми од Bing?! Немам појма, само ќе забележите иконка Results by Bing и јасно е дека So.cl користи функционалности од Montage, со цел визуелно прикажување на содржината што ја пребарувате, во формат на линк, слики и опис.

Идејата е овие споделени линкови и содржини да го скратат патот на пребарување, со оглед на фактот дека групите во кои се движите пребаруваат на сличен начин како вас и можеби веќе нашле содржини кои вие не мора да ги барате.Така, останува прашањето дали целта е да се соберат корисници на оваа мрежа и да се тргнат од пребарување директно на Google.

Опција: Video Party 

На so.cl ќе можете да креирате видео разговори со пријатели или да закачете видеа и да ги гледате заедно со пријателите. Многу слично како со Google hangout, со разликата дека ќе можете да поканете пријатели од Facebook.

Видеата што сакате да ги гледате со пријателите ќе можете да ги додадете само со користење на пребарувањето и клик на видеото. интересно е што при пребарување нормално се добиваат резултати од Youtube, што мене ми се виде и дури предност за Google, посебно поради можноста за пласирање на реклами пред поголема публика и преку сервис овозможен од Microsoft. Еве како си направив журка сама со себе и трејлерот за Angry Birds.

Морам, да додадам дека големо време е посветено на навигацијата и задржување на вниманието на корисниците кон оваа опција, посебно што секоја активна видео журка, стои на профилот на корисникот, предност пред Google Hangout, опција која ако ја користите добивате чувство дека треба да излезете од вашиот профил.

Опција: Tags

Организирање на содржина со тагови. Ова е корисна опција, бидејќи на овој начин ќе можете да си забележите и зачувате се што ве интересира, а е споделено од вашите пријатели.

Таговите како функционалност не се ништо ново, но оваа намена сеуште не е достапна во други социјални мрежи, а е одлична за креирање на сопствена база на податоци од линкови, видеа, музика, статуси и сл споделени од пријателите. Многу едноставно и многу корисно, трансформација на сервиси како delicious.com.

Ако некој од вас сака покана, нека напише свој e-mail во коментарите и ќе му пратиме. Бидете брзи!