Стави во круг на Google +
Интернет Маркетинг или еМаркетинг?
Од Катерина Стојановска - вто ное 17, 10:56 pm
Бирајте многу внимателно за што ќе се одлучите. Од овој избор зависи иднината на вашата компанија и вашите идни успеси. Доколку ме прашувате мене што да одберете, кој и да е вашиот избор нема да погрешите. Интернет Маркетинг и еМаркетинг се синоними и значат една иста работа а тоа е Маркетинг! За мене кога некој ќе спомне Маркетинг, единствено што ми паѓа на памет е Интернет Маркетинг. Со целосна почит кон останатите медиуми и канали за комуникација и пренесување на маркетинг пораките, но мислам дека за брзо време за повеќето компании, професионалци и индивидуалци под маркетинг ќе се подразбира Интернет маркетинг.
Голем дел од извештаите за маркетингот во рецесијава која не снајде, укажуваат на тоа дека маркетинг буџетите беа први на удар, и дека со помали и потесни буџети се бараат повеќе резултати од било кога. И не ми е чудно што во време на вакви услови, се повеќе и повеќе компании ги насочија своите маркетинг активности кон Интернетот. Знаејќи ги можностите и предностите на Интернет Маркетингот, време беше и компаниите да почнат по сериозно да го користат интернетот како медиум за да дојдат до потенцијалните клиенти.
Кои се тие предности ? Катерина веќе направи споредба помеѓу рекламирањето со Билборди и рекламирањето на Facebook. Како прва и за многумина многу важна работа, интернет маркетингот е многу поефтин во споредба со класичниот маркетинг на ТВ,радио или принт. Секако овде не мислам на рекламирање со банери на сајтовите за “губење време”(кои за жал, ги имаме највеќе во МК) каде еден банер знае да чини и 200,500 па и 1000 евра неделно. Да се изедначи Интернет маркетингот со банер маркетинг е многу не сериозно, поготово денес кога сите зборуваат за конкретни резултати, конверзии, интеграција на маркетингот и продажбата и создавање и негување на лидови или потенцијални клиенти. Бидејќи сеуште многу малку компании кај нас го користат Интернет Маркетингот, условите за рекламирање на Facebook и Google се многу поволни, да не речам за џабе. Пример за $10 на Facebook, добивате околку 300-350 кликови, т.е исто толку нови посети на вашата веб страна. И доколку имате 1% конверзија, имате 3 нови клиенти за само $10. Мислам дека поефтино од ова неможе да најдете, освен на Бит Пазар 
Втора исто така многу важна работа, Интернет маркетингот нуди најголеми можности за најпрецизно таргетирање. Погледнете кои се опции ги нуди Facebook :
Оции за избор на посакуваниот таргет
Кој офлајн медиум нуди толку многу и вака прецизни опции за таргетирање? Од друга страна Google ви ги носи на послужавник потенцијалните клиенти според она што тие го бараат и што ги интересира. Веќе почнав да пишувам за ова во делот како да бидам прв на google.
Трето и според мене најважно, резултатите од Интернет Маркетингот може многу полесно и поедноставно да ги измерите, за разлика од било која офлајн кампања. А тие ситни мали бројки, т.е резултатите се најважното нешто за секоја Маркетинг кампања. Нив ги добивате веднаш, во реално време и имате голема флексибилност за промени и прилагодувања. Со тоа драстично ви се зголемуваат шансите за позитивни резултати.
Многу ме интересира што мислите вие на оваа тема, и кое е вашето искуство? Ги очекувам вашите мислења.
Interesno e ova za preciznoto targetiranje, ali sto mislite za dopiranje do klienti preku menagjiranje na Fb page ili grupa? Kolku toa e poefektivno od baner na Fb?
@Dimitar,
Најефективно можеби е да менаџираш страна (fan page) и истата да ја рекламираш на фејсбук
@Dimitar Се зависи која ти е целта на кампањата и дали се потребни брзи резултати или се гледа на долг рок. Во секој случај како што вели @Martin можеби најдобро решение би било и комбинација од истите. Facebook фан страниците и групите си имаат свои предности, а исто така и платените огласи, изборот со која стратегија да се оди најмогу зависи од тоа што сакаш да постигнеш или добиеш.
Малку се побркани лончињата во текстот.
Прво, интернет маркетинг или е-маркетинг не можат да бидат синоним за Маркетинг бидејќи тие се мал дел од него. Само со помош на интегриран маркетинг кој вклучува интернет маркетинг е вистинското решението за успех.
Второ, социјалните мрежи како Facebook, се место за дружење, забава и релаксација а не место за купување. Тоа е исто како кога седите во некој кафик и некој од страна ви приогја со ефтини мастики, палома марамчиња или чорапи (3 за 100). Точно е дека може да се користи како место за рекламирање со одлични можности за таргетирање, но кои се резултатите од тоа. Последните истражувања од Harward Business School покажуваат дека click-through rate на рекламите на социјалните мрежи е екстремно низок. Одговорот е едноставен затоа што луѓето не одат на тие сајтови да бараат информации за специфични продукти.
Но социјалните мрежи можат да се искористат како одлично средство за креирање на кампањи од типот на viral marketing каде што информациите за некој добар производ или услуга многу брзо можат да се рашират.
Трето, се додека во Македонија нема подршка од сите банкарски институции околу електронските плаќања не можеме да зборуваме дека интернет маркетингот може да го замени традиционалниот маркетинг. Што ако сум прв на Google кога некој ако сака да купи одреден производ не може да го направи тоа on-line.
@Марин, ти благодарам за коментарот и баш ми се допаѓа што почнува да се развива дискусија по оваа тема.
До некаде се согласувам со тебе, и би ти предложил да ја погледнеш следнава презентација http://www.slideshare.net/osogovo/wtf-2596731
“Прво, интернет маркетинг или е-маркетинг не можат да бидат синоним за Маркетинг бидејќи тие се мал дел од него. Само со помош на интегриран маркетинг кој вклучува интернет маркетинг е вистинското решението за успех.”
Се согласувам со тоа дека треба да се прави комбинација на повеќе елементи за вистински успех. Интернет Маркетингот веќе не е само мал дел од маркетингот, станува се поголем и поголем дел од него.
“Второ, социјалните мрежи како Facebook, се место за дружење, забава и релаксација а не место за купување. Тоа е исто како кога седите во некој кафик и некој од страна ви приогја со ефтини мастики, палома марамчиња или чорапи (3 за 100).”
-зарем на секоја маса во било кој кафиќ нема мин 2-3 флаери?
“Последните истражувања од Harward Business School покажуваат дека click-through rate на рекламите на социјалните мрежи е екстремно низок.”
-се согласувам од лично искуство CTR е многу низок, но тоа не значи дека не функционира. Конверзијата на оние кои кликнале до сега е повеќе од задоволителна. Инаку google нуди освен плаќање по импресии и кликови, плаќање по конверзија. Те молам кажи ми еден офлајн медиум кој го може и нуди ова?
“Но социјалните мрежи можат да се искористат како одлично средство за креирање на кампањи од типот на viral marketing каде што информациите за некој добар производ или услуга многу брзо можат да се рашират.”
– за ова се согласувам со тебе
“Трето, се додека во Македонија нема подршка од сите банкарски институции околу електронските плаќања не можеме да зборуваме дека интернет маркетингот може да го замени традиционалниот маркетинг. Што ако сум прв на Google кога некој ако сака да купи одреден производ не може да го направи тоа on-line.”
– како прво се надевам дека ја погледна презентацијата која ти ја посочив погоре, значи има луѓе во Македонија кои гледаат големи можности во полето на Интернет Маркетингот. Во последно време се појавија повеќе интернет маркетинг агенции, македонските компании се повеќе користат Интернет Маркетинг, се организираат едукативни семинари и работлници … итн.
– како второ доколку си прв на google и посетителот дојде на твојот сајт, веќе имаш море од опции како од обичен посетител да го претвориш во задоволен клиент. Околу ова повеќе овде http://www.e-nevladina.com/
Би сакал да те прашам како би ја таргетирал новата генерација која од мали нозе се дружи со компјутери и интернет, не гледа Шехерезад, чита весници онлајн и која на работа седи 8 часа пред компјутер?
@Никола, Nesomneno edeka Internet marketingot ima ogromni prednosti vo odnos na tradicionalniot marketing vo soredba so cena, targetiranje, monitoring, adjustment, itn. NO vo Makedonija nemozes dago iskoristis toj potencijal. Ne se zivee od nabljuduvaci tuku od kupuvaci. Sepak nakrajot mora nekoj da ti dojde vo dukan ili vo firma za dakupi nesto a za da dojde bas kaj tebe e toa ke zavisi od toa kolku ti e dobar tradicionalniot marketing.
@Dimitar, Muabetot drzi voda von granicite na Makedonija. Sekade niz svetot online plakanjeto e normalna rabota i opravdano e da se investira vo Internet marketing bidejki eden klik e potreben da nekoj od visitor da stane buyer. Na prsti mozat da se izbrojat firmi koi nudat online plakanja i toa samo preku casys. Nema banka sto e zainteresirana da investira vo oprema so koja ce im ponudi na firmite da implementiraat online payment. Osnovna pricina e deka taa investicija im e neisplatliva. Se dodeka vo Makedonija nema moznost da sekoja firma sto ima web presence da moze da ponudi i online plakanje, Internet marketingot ke bide samo vo funkcija na podrska na tradicionalniot marketing.
Zdravo,bas mi se dopadna temava,dali moze da dobijam informacija kako odi reklamiranjeto preku baner na fb.Kako i kolku se plaka.
Blagodaram
@leni, драго ми е што ти се допаѓа темава. Рекламирањето на Facebook е еден од најевтините начини за да дојдете до група на корисници кои се Вашиот таргет. Минималниот буџет за реклама е 1 евро/долар – дневно, што значи доколку сакате Вашата реклама да оди 5 дена, минимум мора да потрошите 5 евра/долари. За повеќе информации слободно контактирајте ме на nikola@internetmarketing.com.mk